ପ୍ରଚୁରତାର ଜୀବନ ପାଇଁ ପରମେଶ୍ୱରଙ୍କ ପ୍ରତିଜ୍ଞା

ପ୍ରିୟ ବନ୍ଧୁ ! ଆପଣ କେବେ ଭାବିଛନ୍ତି କି ଜଗତରେ ଏତେ ଅସୁସ୍ଥତା ଏବଂ ଯନ୍ତ୍ରଣା କାହିଁକି ଅଛି? ଆସନ୍ତୁ ମିଳିମିଶି ଏହାର ଖୋଳତାଡ଼ କରିବା।

ଆଦିପୁସ୍ତକ ୧:୩୧ରେ ଆମେ ଦେଖୁ ଯେ ପରମେଶ୍ୱରଙ୍କ ସୃଷ୍ଟି କେବଳ ଉତ୍ତମ ନ ଥିଲା; ଏହା ସଂପୂର୍ଣ୍ଣ ଥିଲା! ଅସୁସ୍ଥତା କିମ୍ବା ଦୁଃଖକୁ ସେ କେବେ ବି ତାଙ୍କ ଯୋଜନାର ଅଂଶ ହେବାକୁ ଚାହିଁ ନ ଥିଲେ । ଆପଣ ଦେଖିଛନ୍ତି କି ଯେତେବେଳେ ଈଶ୍ଵର ତାହାଙ୍କ ବାକ୍ୟ ଦ୍ଵାରା ଜଗତକୁ ଅସ୍ତିତ୍ୱ ହେବାକୁ କହୁଛନ୍ତି, ସେତେବେଳେ ଅସୁସ୍ଥତା କିମ୍ବା ରୋଗ ବିଷୟରେ କିଛି ଉଲ୍ଲେଖ ନ ଥିଲା? ତାହା ଠିକ୍‌ ଅଛି! ଈଶ୍ଵର ସେହି ସବୁ ସୃଷ୍ଟି କଲେ ନାହିଁ। ତେବେ ସେସବୁ କେଉଁଠୁ ଆସିଲା ?

ଏହାର ଉତ୍ତର ଆଦମ ଓ ହବାଙ୍କ ଏଦନ ଉଦ୍ୟାନରେ ପାପ କରିବାକୁ ପସନ୍ଦ କରିବାରେ ରହିଛି। ସେତେବେଳେ ପରିସ୍ଥିତି ଭିନ୍ନ ଦିଗକୁ ବଦଳି ଯାଇଥିଲା। ସେମାନେ ପୃଥିବୀର ନିୟନ୍ତ୍ରଣ ଶୟତାନକୁ ହସ୍ତାନ୍ତର କରି ଦେଲେ, ଯିଏ କି ଏହି ଜଗତର ଅସ୍ଥାୟୀ ଶାସକ ହେଲା (୨ କରିନ୍ଥୀ ୪:୪)। ସତେ ଯେମିତି ଆଦମ ସବୁଠାରୁ ଖରାପ ଭଡ଼ାଟିଆଙ୍କୁ ଭୂମି ଭଡ଼ାରେ ଦେଇ ଦେଲେ! ଏବଂ ଶୟତାନ ତା’ ସହିତ ସବୁ ପ୍ରକାରର ଅସୁବିଧା ସାଙ୍ଗରେ ନେଇ ଆସିଲା : ଅସୁସ୍ଥତା, ରୋଗ, ଅବସାଦ ଏବଂ ମୃତ୍ୟୁ।

ଏବେ ଏଠାରେ ଏକ ଗୁରୁତ୍ୱପୂର୍ଣ୍ଣ ପ୍ରଶ୍ନ ଉଠୁଛି: ଅସୁସ୍ଥତା ଈଶ୍ଵରଙ୍କଠାରୁ ଆସିଛି କି? ସମ୍ପୂର୍ଣ୍ଣରୂପେ ନୁହେଁ! ଦେବା ପାଇଁ ତାଙ୍କର କୌଣସି ଅସୁସ୍ଥତା ନାହିଁ। ବାସ୍ତବରେ, ଏହା ଶୟତାନ ଯିଏ ଚୋରି , ହତ୍ୟା ଏବଂ ବିନଷ୍ଟ କରିବାକୁ ଆସେ, ଏବଂ ସେ ପ୍ରାୟତଃ ରୋଗକୁ ଏକ ଉପକରଣ ଭାବରେ ବ୍ୟବହାର କରେ (ଯୋହନ ୧୦:୧୦)। ପରମେଶ୍ୱର ଆପଣଙ୍କୁ କେବଳ ଜୀବନ ଦେବାକୁ ଚାହାନ୍ତି, ଏବଂ ସେ ତାଙ୍କ ପୁତ୍ର ଯୀଶୁ ଖ୍ରୀଷ୍ଟଙ୍କ ବଳିଦାନ ମାଧ୍ୟମରେ ତାହା କରିଛନ୍ତି।

ତେଣୁ ଏହା ମନେ ରଖନ୍ତୁ: ଅସୁସ୍ଥତା ଈଶ୍ଵରଙ୍କ କାର୍ଯ୍ୟ ନୁହେଁ। ଏହା ଶତ୍ରୁର କାର୍ଯ୍ୟ । ଯୀଶୁଙ୍କ ମାଧ୍ୟମରେ ପରମେଶ୍ୱରଙ୍କ ଭଲପାଇବା ଏବଂ ତାଙ୍କ ଜୀବନ ରୂପ ଉପହାର ଉପରେ ବିଶ୍ୱାସ କରନ୍ତୁ। ସେ ଚାହାନ୍ତି ଯେ ଆପଣ ରୋଗ ଏବଂ ଦୁଃଖର ଶୃଙ୍ଖଳରୁ ମୁକ୍ତ ହୋଇ ପ୍ରଚୁରତାର ଜୀବନଯାପନ କରିବେ । ଏହା ଉତ୍ତମ ଖବର ନୁହେଁ କି?