ଯୀଶୁଙ୍କ ମାଧ୍ୟମରେ କ୍ଷମାର ଶକ୍ତି

ଯୀଶୁ ହେଉଛନ୍ତି ଏକମାତ୍ର ବାସ୍ତବ ବଳି , ସମ୍ପୂର୍ଣ୍ଣ ନିର୍ଦ୍ଦୋଷ ଏବଂ ପାପରହିତ । ସେ କେବେ କିଛି ଭୁଲ କରି ନ ଥିଲେ କିମ୍ବା କୌଣସି ପ୍ରଲୋଭନ ଆଗରେ କେବେ ବି ହାର ମାନି ନ ଥିଲେ । ଯଦିଓ ସେ ସଂପୂର୍ଣ୍ଣ ସିଦ୍ଧ ଥିଲେ, ତଥାପି ଲୋକମାନେ ତାଙ୍କ ବିରୁଦ୍ଧରେ ଷଡ଼ଯନ୍ତ୍ର କଲେ ଏବଂ ତାଙ୍କୁ ବଧ କରିଥିଲେ। କିନ୍ତୁ ଯୀଶୁ ପ୍ରତିହିଂସା କଲେ ନାହିଁ କିମ୍ବା ପ୍ରତିଶୋଧ ନେଲେ ନାହିଁ । ବରଂ ଯେଉଁମାନେ ତାଙ୍କୁ ଆଘାତ ଦେଲେ, ସେମାନଙ୍କୁ କ୍ଷମା କରିଦେଲେ।

ଆପଣମାନେ ଭାବିପାରନ୍ତି ଯେ, ଯୀଶୁଙ୍କ ପାଇଁ କ୍ଷମା କରିବା ସହଜ କାରଣ ସେ ଜାଣିଥିଲେ ଯେ, ତାଙ୍କର ମିଶନକାର୍ଯ୍ୟ ପୂରଣ କରିବା ପାଇଁ ତାଙ୍କୁ ମୃତ୍ୟୁଭୋଗ କରିବାକୁ ପଡ଼ିବ । କିନ୍ତୁ ବାଇବଲ ଆମକୁ କହେ ଯେ ଆମେ ଯୀଶୁଙ୍କ ଉଦାହରଣ ଅନୁସରଣ କରିବା ଉଚିତ ଏବଂ ଏପରିକି ଆମେ ଦୁଃଖ ଭୋଗୁଥିବା ସମୟରେ ମଧ୍ୟ ଅନ୍ୟମାନଙ୍କୁ କ୍ଷମା କରିବା ଉଚିତ୍ ।

ଯୀଶୁ ଯେତେବେଳେ କ୍ରୁଶ ଉପରେ ଥିଲେ, ସେତେବେଳେ ଯୀଶୁ ତାଙ୍କୁ ଆଘାତ ଦେଇଥିବା ଲୋକମାନଙ୍କ ନିମନ୍ତେ କ୍ଷମା ପ୍ରାର୍ଥନା କରିଥିଲେ। ସେମାନଙ୍କୁ କ୍ଷମା କରିବାକୁ ସେ ପରମେଶ୍ୱରଙ୍କ ନିକଟରେ ଅନୁରୋଧ କଲେ କାରଣ ସେମାନେ କ'ଣ କରୁଛନ୍ତି ତାହା ବୁଝି ପାରି ନ ଥିଲେ ।

ଯୀଶୁଙ୍କ କ୍ଷମା ପ୍ରାର୍ଥନା କେବଳ ସେଦିନ ସେଠାରେ ଥିବା ଲୋକଙ୍କ ପାଇଁ ନ ଥିଲା । ମାତ୍ର ଏହା ସମସ୍ତଙ୍କ ପାଇଁ ଥିଲା ଯେଉଁମାନେ ପରବର୍ତ୍ତୀ ସମୟରେ ତାଙ୍କ ଉପରେ ବିଶ୍ୱାସ କରିବେ ସେମାନେ ମଧ୍ୟ କ୍ଷମା ପ୍ରାପ୍ତ ହେବେ ।

ଆମ୍ଭମାନଙ୍କର ପାପ ଯୀଶୁଙ୍କୁ କ୍ରୁଶରେ ଟଙ୍ଗାଇଥିଲା, ତେଣୁ ଯେଉଁମାନେ ଯୀଶୁଙ୍କୁ କଣ୍ଟାବିଦ୍ଧ ଆମ୍ଭେମାନେ ସେମାନଙ୍କ ପରି ଦୋଷୀ ଅଟୁ । କିନ୍ତୁ ଯୀଶୁଙ୍କର କ୍ଷମା ତାହାଙ୍କ ନିକଟକୁ ଆସୁଥିବା ସମସ୍ତଙ୍କୁ ମୁକ୍ତ ଭାବରେ ଅର୍ପଣ କରାଯାଏ ।

ଯେଉଁମାନେ ଆମକୁ କ୍ଷତି ପହଞ୍ଚାଇଛନ୍ତି ସେମାନଙ୍କୁ କ୍ଷମା କରିବା ଏକ ଆହ୍ୱାନ ମୂଳକ କାର୍ଯ୍ୟ ହୋଇପାରେ । ତଥାପି, ଯେତେବେଳେ ଆମେ ତିକ୍ତତା ଛାଡି କ୍ଷମା ଦେଇଥାଉ, ସେତେବେଳେ ଆମେ ନିଜଠାରେ ଆଭ୍ୟନ୍ତରୀଣ ଶାନ୍ତି ଅନୁଭବ କରିଥାଉ । କ୍ଷମାର ଏହି କାର୍ଯ୍ୟ ଆମେ କ୍ଷମା କରୁଥିବା ବ୍ୟକ୍ତିଙ୍କୁ ଲାଭ ଦେଇଥାଏ ଏବଂ କ୍ରୋଧ ଏବଂ ନକାରାତ୍ମକତାକୁ ଧରି ରଖିବାର ବୋଝରୁ ଆମକୁ ମୁକ୍ତ କରିଥାଏ | ସେମାନଙ୍କୁ କ୍ଷମା କରନ୍ତୁ !