ଖ୍ରୀଷ୍ଟଙ୍କ ଠାରେ ଆମ ସ୍ଵଭାବକୁ ଗ୍ରହଣ କରିବା

ଖ୍ରୀଷ୍ଟଙ୍କ ଠାରେ ଆମର ପରିତ୍ରାଣର ସ୍ଵଭାବ ବିଷୟରେ ଆପଣ କେବେ ଭାବିଛନ୍ତି କି? ଏହା ଏକ ସୁନ୍ଦର ଦାନ ଯାହା ଆମର ନିଜ କାର୍ଯ୍ୟ ଦ୍ୱାରା ନୁହେଁ ବରଂ ବିଶ୍ୱାସ ଦ୍ୱାରା ମିଳିଥାଏ । ତଥାପି, ଯୀଶୁ ଆମକୁ ସ୍ମରଣ କରାଇ ଦିଅନ୍ତି ଯେ, ସେ ପ୍ରଦାନ କରୁଥିବା ପରିତ୍ରାଣକୁ ସମ୍ପୂର୍ଣ୍ଣ ଭାବରେ ଅନୁଭବ କରିବା ପାଇଁ ଆମକୁ ଶେଷ ପର୍ଯ୍ୟନ୍ତ ଅଟଳ ରହିବାକୁ ପଡ଼ିବ। ତେଣୁ, ଆମେ କିପରି ଆମର ବିଶ୍ୱାସ ବଜାୟ ରଖିପାରିବା ଏବଂ ତାଙ୍କ ସହିତ ଆମର ଯାତ୍ରା ପଥରେ ଧୈର୍ଯ୍ୟଶୀଳ ହେବା ?

ଆସନ୍ତୁ, ପବିତ୍ରତା ବିଷୟରେ ଆଲୋଚନା କରିବା । ପବିତ୍ରତା ଆମକୁ ଈଶ୍ଵରଙ୍କ ସହିତ ସମ୍ପର୍କ ସୃଷ୍ଟି କରେ ନାହିଁ, କିମ୍ବା ପବିତ୍ରତାର ଅଭାବ ତାଙ୍କୁ ଆମଠାରୁ ଦୂରେଇ ଦିଏ ନାହିଁ । ପରମେଶ୍ୱର ଆମକୁ ନିଃସର୍ତ୍ତ ପ୍ରେମ କରନ୍ତି ଏବଂ ଆମର ପରିତ୍ରାଣ ତାହାଙ୍କ ଠାରେ ସୁରକ୍ଷିତ ଅଟେ। ତଥାପି ପବିତ୍ରତା ଆମ ବିଶ୍ୱାସକୁ ରକ୍ଷା କରିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ । ଯେତେବେଳେ ପବିତ୍ରତାର ଅଭାବ ତାର (ଶୟତାନ) ଆକ୍ରମଣ କରିବାର ଦ୍ୱାର ଖୋଲିଥାଏ ,ଏହା ଶତ୍ରୁକୁ ଆମର ଆତ୍ମବିଶ୍ୱାସ ହରଣ କରିବାରୁ ରକ୍ଷା କରିଥାଏ ।

ଆପଣ ଶେଷ ପର୍ଯ୍ୟନ୍ତ ଧୈର୍ଯ୍ୟଶୀଳ ହେବାକୁ ଚାହୁଁଛନ୍ତି କି? ତା'ହେଲେ ପାପ ମାଧ୍ୟମରେ ଶୟତାନକୁ ଆମ ଜୀବନରେ ଅବାଧ ପ୍ରବେଶ ଦେଇପାରିବା ନାହିଁ। ଯଦିଓ ପରମେଶ୍ୱର ଆମର ପାପକୁ ଆମ ବିରୁଦ୍ଧରେ ଧରି ରଖନ୍ତି ନାହିଁ, ତଥାପି ପାପର ପରିଣାମ ବିଷୟରେ ଆମକୁ ସଚେତନ ହେବା ଉଚିତ୍ । ପାପ ଆମ ଜୀବନରେ ମୃତ୍ୟୁ ସୃଷ୍ଟି କରିବାର ଶତ୍ରୁକୁ ସୁଯୋଗ ଦେଇଥାଏ । କିନ୍ତୁ ଏହାର ସମାଧାନ ରହିଛି।

ଯଦି ଆମ୍ଭେମାନେ ଆପଣା ଆପଣା ପାପ ସ୍ଵୀକାର କରୁ, ତେବେ ସେ ଆମ୍ଭମାନଙ୍କର ପାପ କ୍ଷମା କରିବାକୁ ଓ ସମସ୍ତ ଅଧର୍ମରୁ ଆମ୍ଭମାନଙ୍କୁ ପରିଷ୍କାର କରିବାକୁ ବିଶ୍ଵସ୍ତ ଓ ନ୍ୟାୟବାନ ଅଟନ୍ତି (୧ ଯୋହନ ୧:୯)। ସ୍ୱୀକାର ପରମେଶ୍ୱରଙ୍କୁ ଆମର ପୁନର୍ଜନ୍ମ ଆତ୍ମାଙ୍କ ମଧ୍ୟରେ ପୂର୍ବରୁ ଥିବା କ୍ଷମା ଗ୍ରହଣ କରିବାକୁ ଏବଂ ଏହାକୁ ଆମ ଶରୀରରେ ମୁକ୍ତ କରିବାକୁ ଅନୁମତି ଦିଏ । ଏପରି କରିବା ଦ୍ୱାରା ସେ ଶୟତାନ ଓ ତା'ର ଦୁର୍ଗଗୁଡ଼ିକୁ ଆମ ଜୀବନରୁ ହଟାଇ ଦିଅନ୍ତି।
ମନେରଖନ୍ତୁ, ପବିତ୍ରତା ଈଶ୍ଵରଙ୍କ ସହିତ ଆମର ସମ୍ପର୍କର ଫଳ, ଏହାର ମୂଳ ନୁହେଁ।

ଖ୍ରୀଷ୍ଟିୟାନ ଭାବରେ ଆଲୋକରେ ଚାଲିବା ଏବଂ ପରମେଶ୍ୱରଙ୍କ ଭଲପାଇବାକୁ ପ୍ରତିଫଳିତ କରିବା ଆମର ସ୍ୱଭାବ ଅଟେ । ଯେତେବେଳେ ଆମେ ପ୍ରକୃତରେ ବୁଝିପାରିବା ଯେ ଆମେ କିଏ ଏବଂ ଖ୍ରୀଷ୍ଟଙ୍କ ଠାରେ ଆମର କ'ଣ ଅଛି, ପବିତ୍ରତା ସ୍ୱାଭାବିକ ଭାବରେ ଆମ ମଧ୍ୟରୁ ପ୍ରବାହିତ ହେବ କାରଣ ଏହା ଆମର ନୂତନ ସ୍ଵଭାବ ସହିତ ସଂଯୁକ୍ତ।

ତେଣୁ, ଆସନ୍ତୁ ଖ୍ରୀଷ୍ଟଙ୍କ ଠାରେ ଆମର ସ୍ଵଭାବକୁ ଗ୍ରହଣ କରିବା। ଆସନ୍ତୁ ଧୈର୍ଯ୍ୟ ରଖିବା, ଆମର ପାପକୁ ସ୍ୱୀକାର କରିବା ଏବଂ ଯେପରି ସେ ଆଲୋକରେ ଅଛନ୍ତି ସେମିତି ଆଲୋକରେ ଚାଲିବା। ଏପରି କରିବା ଦ୍ୱାରା ଆମେ ଆମର ବିଶ୍ୱାସକୁ ରକ୍ଷା କରିଥାଉ ଏବଂ ମୁକ୍ତିର ପୂର୍ଣ୍ଣତା ଅନୁଭବ କରିଥାଉ ।