ନିଃସ୍ୱାର୍ଥପର ପ୍ରେମର ପ୍ରକାଶ

ଆପଣ କେବେ ଭାବିଛନ୍ତି କି ଅନ୍ୟକୁ ପ୍ରକୃତରେ ପ୍ରେମ କରିବାର ଅର୍ଥ କ'ଣ? ଯୀଶୁ ଆମକୁ ପ୍ରେମର ମହତ୍ତ୍ୱ ଶିଖାଇଥିଲେ ଏବଂ ଏହା କେବଳ ଏକ ସାଧାରଣ ଆଦେଶ ନୁହେଁ ବରଂ କିଛି ଅସାଧାରଣ ବିଷୟ ବୋଲି ଗୁରୁତ୍ଵାରୋପ କରିଥିଲେ । ଯୋହନ ୧୩:୩୪ରେ ଯୀଶୁ କହିଲେ, "... ମୁଁ ଯେପରି ତୁମ୍ଭମାନଙ୍କୁ ପ୍ରେମ କରିଅଛି, ତୁମ୍ଭେମାନେ ମଧ୍ୟ ସେହିପରି ପରସ୍ପରକୁ ପ୍ରେମ କର । କିନ୍ତୁ ଏହି ଆଦେଶକୁ କେଉଁ ବିଷୟ ନୂତନ ଏବଂ ଭିନ୍ନ କରିଥାଏ? ଆସନ୍ତୁ ଏହି ବିଷୟକୁ ଗଭୀର ଭାବରେ ଚିନ୍ତା କରିବା ।

ଯୀଶୁ କୌଣସି ନୂତନ ଧାରଣା ପ୍ରଚଳନ କରୁ ନ ଥିଲେ ବରଂ ପ୍ରେମର ଆଜ୍ଞାକୁ ଏକ ନୂତନ ଗଭୀର ବିଷୟ ଏବଂ ଅର୍ଥ ପ୍ରକାଶ କରୁଥିଲେ । ସେ ଆମକୁ ଦେଖାଇଲେ ଯେ ପ୍ରେମ ସାଧାରଣବାକ୍ୟ କିମ୍ବା କାର୍ଯ୍ୟଠାରୁ ଉର୍ଦ୍ଧ୍ଵରେ । ଯୀଶୁ ଆମକୁ ଏତେ ଗଭୀର ଭାବରେ ପ୍ରେମ କରୁଥିଲେ ଯେ, ସେ ଆମ ପାଇଁ ନିଜ ଜୀବନକୁ ବଳି ଦେଇଥିଲେ। ତ୍ୟାଗପୂର୍ଣ୍ଣ ଏବଂ ନିଃସ୍ୱାର୍ଥପର ପ୍ରେମ ପ୍ରଦର୍ଶନ କରିଥିଲେ। ସେ କେବଳ ନିଜ ପଡ଼ୋଶୀଙ୍କୁ ଆତ୍ମ ତୁଲ୍ୟ ପ୍ରେମ କରୁ ନ ଥିଲେ; ସେ ଆମକୁ ନିଜଠାରୁ ଅଧିକ ପ୍ରେମ କରୁଥିଲେ । ସେ ଚାହାଁନ୍ତି ଯେ ଆମେ ପରସ୍ପରକୁ ସେହି ପ୍ରକାରରେ ପ୍ରେମ କରିବା ।

ଯୀଶୁଙ୍କ ପ୍ରେମକୁ ପ୍ରତ୍ୟକ୍ଷ ଭାବେ ଦେଖିଥିବା ପ୍ରେରିତ ଯୋହନଙ୍କ ମାଧ୍ୟମରେ ଆମେ ବୁଝିପାରୁଛୁ ଯେ ପ୍ରେମର ଏହି ଆଜ୍ଞା ଆରମ୍ଭରୁ ହିଁ ରହିଥିଲା। ଏହା ସମ୍ପୂର୍ଣ୍ଣ ନୂତନ ଆଜ୍ଞା ନ ଥିଲା, କିନ୍ତୁ ଯୀଶୁଙ୍କ ମାଧ୍ୟମରେ ଏହାର ପ୍ରକାଶ ସ୍ପଷ୍ଟ ହେଲା। ୧ ଯୋହନ୨:୭-୮ ରେ ଯୋହନ ନିଶ୍ଚିତ କରନ୍ତି, "ହେ ପ୍ରିୟମାନେ, ମୁଁ ତୁମ୍ଭମାନଙ୍କ ନିକଟକୁ କୌଣସି ନୂତନ ଆଜ୍ଞା ଲେଖୁ ନାହିଁ, ମାତ୍ର ଆରମ୍ଭରୁ ଯେଉଁ ପୁରାତନ ଆଜ୍ଞା ତୁମ୍ଭେମାନେ ପାଇଅଛ, ତାହା ଲେଖୁଅଛି; ଯେଉଁ ବାକ୍ୟ ତୁମ୍ଭେମାନେ ଶୁଣିଅଛ, ତାହା ହିଁ ସେହି ପୁରାତନ ଆଜ୍ଞା ।ପୁନଶ୍ଚ, ମୁଁ ନୂତନ ଆଜ୍ଞା ତୁମ୍ଭମାନଙ୍କ ନିକଟକୁ ଲେଖୁଅଛି, ଏହା ତାହାଙ୍କଠାରେ ଓ ତୁମ୍ଭମାନଙ୍କଠାରେ ସତ୍ୟ ବୋଲି ପ୍ରକାଶ ପାଏ। କାରଣ ଅନ୍ଧକାର ଘୁଞ୍ଚିଯାଉଅଛି ଓ ସତ୍ୟ ଜ୍ୟୋତିଃ ପ୍ରକାଶିତ ହେଲାଣି ।

ଈଶ୍ଵରଙ୍କଠାରୁ ଆମକୁ ପୃଥକ କରିଥିବା ଅନ୍ଧକାର ପ୍ରକୃତ ପ୍ରେମ ବିଷୟରେ ଆମର ସୁବିବେଚନାକୁ ଅସ୍ପଷ୍ଟ କରିଦେଇଥିଲା । କିନ୍ତୁ ଯୀଶୁଙ୍କ ଜୀବନ ଓ ଉଦାହରଣ ମାଧ୍ୟମରେ ଅନ୍ଧକାର ଦୂର ହୋଇଥିଲା। ତାଙ୍କର ପ୍ରେମ ଆମ ହୃଦୟକୁ ଆଲୋକିତ କରିଥିଲା ଏବଂ ପରମେଶ୍ୱରଙ୍କ ଆଜ୍ଞା ଗୁଡ଼ିକର ପ୍ରକୃତ ରୂପ ପ୍ରକାଶିତ ହୋଇଥିଲା। ଯୀଶୁଙ୍କ ଠାରେ ଆମେ ପ୍ରେମକୁ ଏହାର ଶୁଦ୍ଧ ରୂପରେ ଦେଖିଥାଉ । ଏହା ଏକ ପ୍ରେମ ଯାହା ଅନୁଗ୍ରହ, କ୍ଷମା, ସେବା ଏବଂ ବଳିଦାନ ବ୍ୟାପ୍ତ କରେ ବିସ୍ତାର କରେ ।

ଆଜି ଆସନ୍ତୁ, ପରସ୍ପରକୁ ଗଭୀର ଏବଂ ନିଃସର୍ତ୍ତ ଭାବରେ ପ୍ରେମ କରିବାକୁ ବାଛିବା । ଯୋହନ ୧୩:୩୪ରେ ଯୀଶୁଙ୍କ ସ୍ମରଣ କରନ୍ତୁ । ଆମେ ଈଶ୍ଵରଙ୍କ ପ୍ରେମକୁ ଆମ ମଧ୍ୟକୁ ଯିବାକୁ ଏବଂ ଆମ ଆଖପାଖରେ ଥିବା ଲୋକଙ୍କ ନିକଟରେ ପହଞ୍ଚିବାକୁ ଅନୁମତି ଦେବା ଉଚିତ୍ | ଏପରି କରିବା ଦ୍ଵାରା ଆମେ ଏକ ଅଭାବୀ ଜଗତ ପ୍ରତି ତାଙ୍କର ପ୍ରେମକୁ ପ୍ରତିଫଳିତ କରିଥାଉ । ଯୀଶୁ ଆମକୁ ଦେଖାଇଥିବା ପ୍ରେମର ନୂତନ ପ୍ରକାଶମାନର ପ୍ରମାଣ ହେଉ।