ତୁମ ଭିତରେ ଲୁଚି ରହିଥିବା ଶକ୍ତିକୁ ଉନ୍ମୋଚନ କରିବା

ଆପଣ କେବେ ଅନୁଭବ କରନ୍ତି କି ଆପଣଙ୍କର କିଛି ଅଭାବ ଅଛି? ଯେମିତି ଆପଣ ଈଶ୍ଵରଙ୍କ ଠାରୁ ସାମର୍ଥ୍ୟ , ଶକ୍ତି କିମ୍ବା ଆଶୀର୍ବାଦ ଖୋଜୁଛନ୍ତି? ସତ କଥା ହେଉଛି, ଜଣେ ବିଶ୍ୱାସୀ ଭାବରେ, ଆପଣଙ୍କୁ ଯାହା ଦରକାର ତାହା ଆପଣଙ୍କ ଭିତରେ ଅଛି । ହଁ, ଆପଣ ଠିକ୍ ପଢିଛନ୍ତି! ପରମେଶ୍ୱର ଆମକୁ ଖ୍ରୀଷ୍ଟଙ୍କ ଠାରେ ସମସ୍ତ ଆଧ୍ୟାତ୍ମିକ ଆଶୀର୍ବାଦ ପ୍ରଦାନ କରିସାରିଛନ୍ତି। ଈଶ୍ଵରଙ୍କୁ ଅଧିକ ମାଗିବା କଥା ନୁହେଁ; ଏହା ହେଉଛି ସେ ଆମକୁ କ'ଣ ଦେଇସାରିଛନ୍ତି ତାହା ଅନୁଭବ କରିବା ବିଷୟରେ ।

ଆପଣ କେବେ ଚିନ୍ତା କରିଛନ୍ତି କି ଆହ୍ୱାନକୁ ଅତିକ୍ରମ କରିବାର ସେହି ଶକ୍ତି କେଉଁଠୁ ଆସିଥାଏ? ଏହା କୌଣସି ଦୂର ଶକ୍ତି କିମ୍ବା ବାହ୍ୟ ସ୍ୱିଚ୍ ନୁହେଁ ଯାହାକୁ ଅନ୍ କରିବା ଆବଶ୍ୟକ । ଯୀଶୁ ଖ୍ରୀଷ୍ଟଙ୍କୁ ମୃତ୍ୟୁରୁ ଉଦ୍ଧାର କରିଥିବା ସମାନ ଶକ୍ତି ଆପଣଙ୍କ ମଧ୍ୟରେ ବାସ କରେ। (ରୋମୀୟ ୬:୧୦-୧୧) ଅସମ୍ଭବକୁ କରିବା, ମହାନ ବିଷୟ ହାସଲ କରିବା ଏବଂ ବିଜୟୀ ଜୀବନ ଯାପନ କରିବାର ଶକ୍ତି ଆପଣଙ୍କ ପାଖରେ ଅଛି ।

ତେବେ ଆମେ କାହିଁକି ଏହି ଶକ୍ତିର ଅନୁଭବ କରୁନାହୁଁ? ଏହାର କାରଣ ନୁହେଁ ଯେ ଈଶ୍ଵର ଏହା ଆମକୁ ଦେଇନାହାଁନ୍ତି । ସେ ତାଙ୍କ ଅନୁଗ୍ରହ ଦ୍ଵାରା ଆମକୁ ଏହା ପ୍ରଦାନ କରିସାରିଛନ୍ତି। ସମସ୍ୟାଟି ଆମର ନିଜ ବିଶ୍ୱାସ ଓ କାର୍ଯ୍ୟରେ ରହିଛି । ଆମକୁ ପରିବର୍ତ୍ତନ କରିବାକୁ ହେବ, ବିଶ୍ୱାସରେ ପହଞ୍ଚିବାକୁ ହେବ ଏବଂ ପରମେଶ୍ୱର ଆମ ମଧ୍ୟରେ ରଖିଥିବା ଶକ୍ତିକୁ ଉନ୍ମୋଚନ କରିବାକୁ ପଡିବ ।

ଆମ ମଧ୍ୟରୁ ଅଧିକାଂଶ ପରମେଶ୍ୱରଙ୍କୁ ଆରୋଗ୍ୟ, ଆନନ୍ଦ ଏବଂ ଶାନ୍ତି ଭଳି ବିଷୟ ମାଗିଥାଉ ,ଯଦିଓ ବାଇବଲ ଆମକୁ ଆଶ୍ୱାସନା ଦିଏ ଯେ ଆମ ପାଖରେ ଏହି ଦାନ ଗୁଡ଼ିକ ପୂର୍ବରୁ ଉପଲବ୍ଧ । ପରମେଶ୍ୱର ଆମ ପାଇଁ କ'ଣ କରିସାରିଛନ୍ତି ତାହାର ବାସ୍ତବତା ରେ ବଞ୍ଚିବା ଆରମ୍ଭ କରିବାର ସମୟ ଆସିଛି । ସେ ଆକାଶ ଉନ୍ମୁକ୍ତ କରି ଯୀଶୁଙ୍କ ମାଧ୍ୟମରେ ତାଙ୍କର ପ୍ରେମ ପ୍ରୟୋଗ କରିଛନ୍ତି।

ସନ୍ଦେହ ଓ ଅବିଶ୍ୱାସକୁ ଛାଡି ଦିଅନ୍ତୁ । ସତ୍ୟକୁ ଗ୍ରହଣ କରନ୍ତୁ ଯେ ଆପଣ ପୂର୍ବରୁ ଆପଣଙ୍କ ର ଆବଶ୍ୟକୀୟ ସମସ୍ତ ବିଷୟରେ ସଜ୍ଜିତ ହୋଇସାରିଛନ୍ତି । ବିଶ୍ୱାସରେ ବାହାରକୁ ଯାଆନ୍ତୁ, ଈଶ୍ଵରଙ୍କ ଶକ୍ତିରେ ଆତ୍ମବିଶ୍ୱାସର ସହ ଚାଲନ୍ତୁ ଏବଂ ଆପଣଙ୍କ ଜୀବନରେ ଆଶ୍ଚର୍ଯ୍ୟ ବିଷୟମାନ ଘଟୁଥିବା ଦେଖନ୍ତୁ। ଶକ୍ତି ଆପଣଙ୍କ ମଧ୍ୟରେ ମହଜୁଦ ଅଛି, ଆଉ ଉନ୍ମୋଚିତ ହେବାକୁ ଅପେକ୍ଷା କରିଛି । ଆପଣ ଶକ୍ତିହୀନ କିମ୍ବା ଅଭାବୀ ନୁହଁ । ଆପଣ ଈଶ୍ଵରଙ୍କ ଶକ୍ତି ଏବଂ ଆଶୀର୍ବାଦର ପାତ୍ର ।