ଦେଖନ୍ତୁ ଏବଂ ଜୀବିତ ରୁହନ୍ତୁ

ଆପଣ କ'ଣ କେବେ ଅନୁଭବ କରିଛନ୍ତି ଯେ,ଆପଣ ସମସ୍ୟା ମଧ୍ୟରେ ଘେରି ରହିଛନ୍ତି , ଇସ୍ରାଏଲୀୟମାନଙ୍କ ପରି ଯେଉଁମାନେ ପ୍ରାନ୍ତରରେ ସେହି ଅଗ୍ନିଗର୍ଭ ସର୍ପମାନଙ୍କ ଦ୍ୱାରା ଘେରି ରହିଥିଲେ? ହଁ? କିନ୍ତୁ ଆପଣ କେବେ ଭାବିଛନ୍ତି କି କାହିଁକି ଏକ ଦଣ୍ଡ ଉପରେ ସର୍ପ ? କାହିଁକି ଏହି ଅଜବ ସମାଧାନ?

ଯେତେବେଳେ ଇସ୍ରାଏଲୀୟମାନେ ଦଣ୍ଡ ଉପରେ ଥିବା ସର୍ପଟିକୁ ଦେଖିଲେ, ସେମାନେ ସେମାନଙ୍କ ମଧ୍ୟରୁ ବାହାରୁଥିବା ଗରଳରୁ ରକ୍ଷା ପାଇଲେ। ସେହିଭଳି ଯେତେବେଳେ ଆମେ ନିଜ ଭୁଲ, ଦୁଃଖ କିମ୍ବା ଜଗତର ଓଜନ ଅନୁଭବ କରିଥାଉ, ସେତେବେଳେ ଆମେ କେଉଁଠି ଅନାଇ ଥାଉ ? ଏହାକୁ ବୁଝିବା ପାଇଁ ମନେରଖନ୍ତୁ ଯେ ପ୍ରାନ୍ତରର ଏହି ମୁହୂର୍ତ୍ତ କେବଳ ସର୍ପ ବିଷୟରେ ନୁହେଁ । ଏହା ଏକ ପୂର୍ବାନୁମାନ ଥିଲା, ଭବିଷ୍ୟତର ଏକ ଝଲକ ଥିଲା - ଯେତେବେଳେ ଯୀଶୁଙ୍କୁ ଆମ ପାଇଁ ଉତ୍ଥିତ କରାଯିବ। ଏହା କହିଥାଏ ଯେ ଯେତେବେଳେ ଆମକୁ ଜୀବନ ଦଂଶନ କରିଥାଏ, ସେତେବେଳେ ଯୀଶୁଙ୍କ ଆଡ଼କୁ ଅନାନ୍ତୁ। କାରଣ ଆମେ ତାହାଙ୍କ ଠାରେ ଜୀବନ ପ୍ରାପ୍ତ ହୋଇଥାଉ।

ଆପଣ ଭାବୁଥିବେ, "ଏହା ମୋ ସହିତ କ'ଣ ସମ୍ବନ୍ଧିତ?" ସବୁ କିଛି, ମୋର ପ୍ରିୟ ବନ୍ଧୁ । ଯେମିତି ଇସ୍ରାଏଲୀୟମାନେ ସର୍ପକୁ ଅନାଇ ବଞ୍ଚିଲେ, ଯୀଶୁ ଆମ ପାଇଁ କୃଶ ଉପରେ ଚଢାଗଲେ । ଯେତେବେଳେ ଆମେ ତାଙ୍କୁ ଅନାଉ , ସେତେବେଳେ ଆମେ ସ୍ୱାଧୀନତା, ସୁସ୍ଥତା ଏବଂ ମୁକ୍ତି ପାଇଥାଉ । ସତ ବୋଲି ଖୁବ ଉତ୍ତମ ଲାଗୁଛି କି?

ଏଠାରେ ଏକ ନିୟମ ଅଛି: ଯୀଶୁ ଆମକୁ ତାଙ୍କର ଜୀବନ ପ୍ରଦାନ କରି ପ୍ରତିବଦଳରେ ଆମକୁ କ୍ଷତି ପହଞ୍ଚାଇବା କିମ୍ବା ଅଟକାଇ ରଖିବା ଭଳି ସବୁ କିଛି ନିଜେ ଗ୍ରହଣ କଲେ । ସେ ଆମର ଦୋଷ ଗ୍ରହଣ କରି ଆମକୁ ତାଙ୍କର ଧାର୍ମିକତା ପ୍ରଦାନ କଲେ । ତାହାଙ୍କ ଆରୋଗ୍ୟତା ପାଇଁ ଆମର ଯନ୍ତ୍ରଣା । ତାଙ୍କ ସ୍ୱାଧୀନତା ପାଇଁ ଆମର ବନ୍ଧନ । ଏହା ଏକ ଆଶ୍ଚର୍ଯ୍ୟଜନକ ବିନିମୟ ନୁହେଁ କି?

ତେବେ ଆଜି ଆପଣଙ୍କ ପାଇଁ ଏହାର ଅର୍ଥ କ'ଣ? ଯେତେବେଳେ ଜୀବନ କଠିନ ହୋଇଯାଏ, ଏହା ମନେ ରଖନ୍ତୁ - ଜଣେ ବିଶ୍ୱାସୀ ଭାବରେ, ଆପଣ ବର୍ତ୍ତମାନ ଏକ ମଜବୁତ ସ୍ଥିତିରେ ଅଛନ୍ତି। ସେ ଯେପରି,ଆମ୍ଭେମାନେ ମଧ୍ୟ ସେହିପରି (୧ ଯୋହନ ୪:୧୭)। ଆଉ ଶୃଙ୍ଖଳ ନାହିଁ, କେବଳ ସ୍ୱାଧୀନତା । ଆଉ ଅସୁସ୍ଥତା ନାହିଁ, କେବଳ ସ୍ୱାସ୍ଥ୍ୟ । ଆଉ ଦୋଷ ନାହିଁ, କେବଳ ଅନୁଗ୍ରହ। ଜୀବନ ଦଂଶନ କଲେ , ଉପରକୁ ଅନାନ୍ତୁ ଓ ବଞ୍ଚନ୍ତୁ!