ଏକ ଚରିତ୍ରର ଅମଳ, ବାକ୍ୟରୁ କାର୍ଯ୍ୟର ଉର୍ଦ୍ଧ୍ଵରେ

କେବେ ନିଜକୁ କାହାର ଚରିତ୍ରରେ ନିଜକୁ ଦେଖିବାକୁ ପାଇଛନ୍ତି କି? ସେମାନେ ଯାହା କୁହନ୍ତି, ସେମାନେ ଯାହା କରନ୍ତି, ତାହା ସହିତ ମେଳ ଖାଉଛି? ଆପଣ ଏକା ନୁହଁନ୍ତି । ଏହା ଏକ ଗଛରୁ ଶ୍ରେଷ୍ଠ ଓ ଉତ୍ତମ ସେଓ ଚୟନ କରିବାକୁ ଚେଷ୍ଟା କରିବା ପରି । ଯୀଶୁଙ୍କର ଏକ ସ୍ପଷ୍ଟ ବାକ୍ୟ ଥିଲା: " ସେମାନଙ୍କ ଫଳ ଦ୍ଵାରା ତୁମ୍ଭେମାନେ ସେମାନଙ୍କୁ ଚିହ୍ନିବ" (ମାଥିଉ ୭:୨୦)। କିନ୍ତୁ ଆଜି ଆମ ପାଇଁ ଏହାର ଅର୍ଥ କ'ଣ?

ଆସନ୍ତୁ ଏକ ଗୁରୁତ୍ୱପୂର୍ଣ୍ଣ ଜୀବନ ଯାପନ କରିବାର ବାସ୍ତବ ନିୟମ ବିଷୟରେ ଆଲୋଚନା କରିବା । ଆପଣ କେବେ ଏପରି ପରିସ୍ଥିତିରେ ଅଛନ୍ତି କି ଯେଉଁଠାରେ କାହାର କଥା ତାଙ୍କ କାର୍ଯ୍ୟ ସହିତ ମେଳ ଖାଉନାହିଁ? ଏହା ବିଭ୍ରାନ୍ତିକର, ଠିକ୍ କି? ଯୀଶୁ ଆମକୁ କୁହନ୍ତି ଯେ କଣ୍ଟାବୁଦାରୁ ମଧୁର ସେଓ ଆଶା କରାଯାଇ ପାରିବ ନାହିଁ । ଗଛ ଭଳି ଆମ ଜୀବନ ମଧ୍ୟ ଆମର ପ୍ରକୃତ ପ୍ରକୃତିକୁ ପ୍ରତିଫଳିତ କରୁଥିବା ଫଳ ଉତ୍ପାଦନ କରିବା ପାଇଁ ଉଦ୍ଦିଷ୍ଟ । କିନ୍ତୁ ଆପଣ କିପରି କହିପାରିବେ ଯେ କେହି ଅସଲି ଅଟନ୍ତି କିମ୍ବା ଆପଣ ନିଜେ ସଠିକ୍ ରାସ୍ତାରେ ଅଛନ୍ତି କି ନାହିଁ?

ଏହା ଉପରେ ବିଚାର କରନ୍ତୁ: ଯେତେବେଳେ କାହାର ଜୀବନ ଏକ ଗୋଳିଆମିଶା ପରି ମନେ ହୁଏ, ତଥାପି ସେମାନେ ସର୍ବଦା ଏକ ଉତ୍ତମ ବାକ୍ୟ କୁହନ୍ତି, ସେତେବେଳେ ଏହା ଆପଣଙ୍କୁ ଅଟକାଇ ଦିଏ କି? ଯୀଶୁ ଫଳକୁ ଦେଖିବାକୁ କୁହନ୍ତି- ସେମାନଙ୍କ ଜୀବନରୁ କ'ଣ ଆସୁଛି? ସେମାନେ ନିଜ ଆଖପାଖରେ ଥିବା ଲୋକଙ୍କ ପାଇଁ ଆଲୋକ ଓ ଜୀବନ ଆଣିଛନ୍ତି ନା କେବଳ ବିଶୃଙ୍ଖଳା ଓ ଦ୍ୱନ୍ଦ୍ୱ? ଏହା କେବଳ ଆମେ କ'ଣ କହୁ ତାହା ନୁହେଁ ବରଂ ଆମେ କ'ଣ କରୁ ତାହା ଗୁରୁତ୍ୱପୂର୍ଣ୍ଣ ।

ଯେତେବେଳେ ଆମେ ସବୁକିଛି ଗୋଳମାଳିଆ କରିଦେଇ ଥାଉ ସେତେବେଳେ କ'ଣ ହୁଏ ? ଗୋଟିଏ ଭୁଲ କ'ଣ ପୂରା ପେନ୍ଥାକୁ ଖରାପ କରିଦିଏ? ଇଏ କିଛି ନୁହେଁ। ମନେରଖନ୍ତୁ, ଏହା ଆମ ଜୀବନର ସାମଗ୍ରିକ ଅମଳ ହିଁ ଗୁରୁତ୍ୱପୂର୍ଣ୍ଣ । ଏପରିକି ଆମ ମଧ୍ୟରୁ ଶ୍ରେଷ୍ଠ ବିଷୟଗୁଡିକ ମଧ୍ୟ ବେଳେବେଳେ ଖଟା ସ୍ଵାଦ ଦେଇପାରେ । ପ୍ରଶ୍ନ ଉଠେ, ଆମ କାରଣରୁ ଲୋକମାନେ ଉତ୍ତମ ହୋଇ ପାରୁଛନ୍ତି କି? ଆମେ ସେମାନଙ୍କୁ ସଦାପ୍ରଭୁଙ୍କ ନିକଟତର କରୁଛୁ ନା ଭଗ୍ନ ଡାଳର ଏକ ପଥରେ ଛାଡି ଦେଉଛୁ ?

ତେବେ ଆପଣଙ୍କ ଜୀବନର ଫଳ ଆପଣଙ୍କ ବିଷୟରେ କ'ଣ କହେ ? ଆପଣ ଅଭିବୃଦ୍ଧି ଏବଂ ଆରୋଗ୍ୟତାକୁ ପୋଷଣ କରୁଛନ୍ତି, ନା କିଛି କଟା ଯିବାର ସମୟ ଆସିଛି? ପ୍ରତ୍ୟେକ ଦିନ ସେହି ପ୍ରକାରର ଫଳ ଚାଷ କରିବାର ଏକ ସୁଯୋଗ ଯାହା କେବଳ ଉତ୍ତମ ଦେଖାଯାଏ ନାହିଁ ବରଂ ସମସ୍ତଙ୍କ ପାଇଁ ଉତ୍ତମ ଅଟେ । ଆସନ୍ତୁ ଜୀବନକୁ ଏପରି ଫଳପ୍ରଦ କରିବା ଆମର ଲକ୍ଷ୍ୟ ହେଉ ,ଯେପରି ସେସବୁ ଅନ୍ୟମାନଙ୍କୁ ସ୍ୱାଦଯୁକ୍ତ କରିବାକୁ ଏବଂ ଦେଖିବାକୁ ଦେବ ଯେ, ପ୍ରଭୁ ଉତ୍ତମ ଅଟନ୍ତି ।