ପରମେଶ୍ୱର ଦାତା ଅଟନ୍ତି, ଗ୍ରହଣକାରୀ ନୁହଁନ୍ତି

ପ୍ରିୟ ବନ୍ଧୁ , ଆପଣ କେବେ ଅନୁଭବ କରିଛନ୍ତି କି ଯେ,ଆପଣ ଈଶ୍ଵରଙ୍କ ସହ ମଲ୍ଲଯୁଦ୍ଧ କରିଛନ୍ତି? ବୋଧହୁଏ ଏହା ଅନୁଭବ ହୁଏ ଯେ ସେ ଆପଣଙ୍କ ସଂଘର୍ଷର କାରଣ ହେଉଛନ୍ତି, ମନ୍ଦ ବିଷୟ ଘଟିବାକୁ ଦେଉଛନ୍ତି, କିମ୍ବା ଏପରିକି ଆପଣଙ୍କ ବିରୁଦ୍ଧରେ ଦେଖାଯାଉଛନ୍ତି । ଆଚ୍ଛା, ମୋର କିଛି ସୁସମ୍ବାଦ ଅଛି: ଈଶ୍ଵର ଆପଣଙ୍କ ଶତ୍ରୁ ନୁହଁନ୍ତି।

ନିଶ୍ଚିତ ଭାବେ ଜୀବନ କଷ୍ଟକର ହୋଇପାରେ। ଆମେ ସଂଘର୍ଷ, ଅସୁସ୍ଥତା, କ୍ଷତି ଏବଂ ଆହୁରି ଅନେକ ସମସ୍ୟାର ସମ୍ମୁଖୀନ ହୋଇଥାଉ । ଆମେ ଭାବୁଛୁ, "ଯଦି ଈଶ୍ଵର ଏତେ ଭଲ, ତେବେ ସେ କାହିଁକି ମନ୍ଦ ବିଷୟ ଘଟିବାକୁ ଦିଅନ୍ତି? ସେ ମୋତେ କିଛି ଶିଖାଇବାକୁ ଚେଷ୍ଟା କରୁଛନ୍ତି କି?" ମୁଁ ଆପଣଙ୍କୁ ଏତିକି କହିପାରିବି; ଈଶ୍ଵର ଆମକୁ ଶିକ୍ଷା ଦେବା ପାଇଁ ଆମ ଜୀବନରେ କଷ୍ଟ ରଖନ୍ତି ନାହିଁ । ଆପଣ ଜାଣନ୍ତି କାହିଁକି? ୧ ଯୋହନ ୪:୧୬ କହେ , "ଈଶ୍ଵର ତ ପ୍ରେମ। ସେ ଆମ ଉପରେ ଦୁଃଖ ଦେବାକୁ ଚାହାଁନ୍ତି ନାହିଁ ।

ପରମେଶ୍ୱର ଆପଣଙ୍କ ଠାରୁ ହରଣ କରୁଥିବା ପରି ଆପଣ କେବେ ଅନୁଭବ କରିଛନ୍ତି କି ? ଆପଣଙ୍କୁ ଅସୁସ୍ଥ କରି ଦେଉଛନ୍ତି ? ଆପଣଙ୍କ ଯନ୍ତ୍ରଣା ଦେଉଛନ୍ତି ? ମୁଁ କିଛି ସ୍ପଷ୍ଟ କରିବାକୁ ଚାହୁଁଛି: ଈଶ୍ଵର ଆପଣଙ୍କ ଦୁଃଖର ଲେଖକ ନୁହଁନ୍ତି । ଯାକୁବ ୧:୧୭ ଆମକୁ ସ୍ମରଣ କରାଇ ଦିଏ ଯେ " ସମସ୍ତ ଉତ୍ତମ ଦାନ ଓ ସମସ୍ତ ସିଦ୍ଧ ବର ଊର୍ଦ୍ଧ୍ଵରୁ, ଅର୍ଥାତ୍, ଜ୍ୟୋତିର୍ଗଣର ପିତାଙ୍କଠାରୁ ଆସେ, ଯାହାଙ୍କଠାରେ କୌଣସି ପରିବର୍ତ୍ତନ ବା ଲେଶମାତ୍ର ବିକାର ନାହିଁ। ଈଶ୍ଵର ଉତ୍ତମ ଦାତା, ଆନନ୍ଦ ହରଣକାରୀ ନୁହଁନ୍ତି ।

ଈଶ୍ଵର ଆପଣଙ୍କୁ ଘୃଣା କରନ୍ତି ନାହିଁ । ଆପଣ ଯେତିକି ବୁଝି ପାରୁଛନ୍ତି ତା'ଠାରୁ ଅଧିକ ସେ ଆପଣଙ୍କୁ ପ୍ରେମ କରନ୍ତି । ଯୋହନ ୩:୧୬ ମନେ ଅଛି କି? କାରଣ ଈଶ୍ଵର ଜଗତକୁ ଏଡ଼େ ପ୍ରେମ କଲେ ଯେ, ସେ ଆପଣା ଅଦ୍ଵିତୀୟ ପୁତ୍ରଙ୍କୁ ଦାନ କଲେ, ଯେପରି ଯେକେହି ତାହାଙ୍କଠାରେ ବିଶ୍ଵାସ କରେ, ସେ ବିନଷ୍ଟ ନ ହୋଇ ଅନନ୍ତଜୀବନ ପ୍ରାପ୍ତ ହୁଏ। ପରମେଶ୍ୱରଙ୍କ ପ୍ରେମ ଏତେ ଗଭୀର ଯେ ସେ ଆମ ପାଇଁ ତାଙ୍କର ଏକମାତ୍ର ପୁତ୍ରଙ୍କୁ ଦେଲେ ।

ବିଜୟୀ ଜୀବନ ନିମନ୍ତେ ଆବଶ୍ୟକ ହେଉଥିବା ସମସ୍ତ ବିଷୟ ସେ ଆପଣଙ୍କ ପାଇଁ ସୁସଜ୍ଜିତ କରିଛନ୍ତି। ୨ ପିତର୧:୨-୪କହେ, " ଈଶ୍ଵର ଓ ଆମ୍ଭମାନଙ୍କ ପ୍ରଭୁ ଯୀଶୁଙ୍କ ବିଷୟକ ଜ୍ଞାନ ଦ୍ଵାରା ତୁମ୍ଭମାନଙ୍କ ପ୍ରତି ଅନୁଗ୍ରହ ଓ ଶାନ୍ତି ପ୍ରଚୁର ପରିମାଣରେ ହେଉ। ଯେ ଆପଣା ଗୌରବ ଓ ସଦ୍ଗୁଣରେ ଆମ୍ଭମାନଙ୍କୁ ଆହ୍ଵାନ କରିଅଛନ୍ତି.... ତଦ୍ଦ୍ଵାରା ସେ ଆମ୍ଭମାନଙ୍କୁ ବହୁମୂଲ୍ୟ ଓ ଅତି ମହତ୍ ପ୍ରତିଜ୍ଞାମାନ ଦାନ କରିଅଛନ୍ତି, ଯେପରି ସେହିସବୁ ଦ୍ଵାରା ତୁମ୍ଭେମାନେ କୁଅଭିଳାଷରୁ ଜାତ ଯେଉଁ ବିନାଶ ଜଗତରେ ଅଛି, ସେଥିରୁ ରକ୍ଷା ପାଇ ଐଶ୍ଵରିକ ସ୍ଵଭାବର, ସହଭାଗୀ ହୁଅ।“ ତାଙ୍କ ଅନୁଗ୍ରହକୁ ଅବହେଳା କରନ୍ତୁ ନାହିଁ!

ତେଣୁ ନିଜକୁ ବିଭ୍ରାନ୍ତ କରନ୍ତୁ ନାହିଁ। ଈଶ୍ଵର ଆପଣଙ୍କ ସମସ୍ୟା ନୁହଁନ୍ତି; ସେ ହିଁ ଆପଣଙ୍କ ସମାଧାନ । ସେ ଆପଣଙ୍କ ଶତ୍ରୁ ନୁହଁନ୍ତି; ସେ ଆପଣଙ୍କ ସବୁଠାରୁ ବଡ଼ ସହଯୋଗୀ । ଏହି ସତ୍ୟକୁ ମନେ ରଖନ୍ତୁ , ତାଙ୍କ ପ୍ରେମରେ ଢଳି ଯାଆନ୍ତୁ ଏବଂ ଆଜି ତାଙ୍କ ଅନୁଗ୍ରହରେ ଗମନ କରନ୍ତୁ ।