ପରମେଶ୍ୱରଙ୍କ ଶକ୍ତି ସହିତ ଦାନବର ମୁକାବିଲା

ଆପଣଙ୍କ ଜୀବନରେ ଏମିତି କିଛି ଦାନବ ଅଛି ଯାହାକୁ ସମ୍ଭାଳିବା ପାଇଁ ବହୁତ ବଡ ଲାଗୁଛି? ଆମେ ସମସ୍ତେ ସେମାନଙ୍କର ସମ୍ମୁଖୀନ ହୋଇଥାଉ- ଭୟ, ଅସୁରକ୍ଷିତତା, ସନ୍ଦେହ ଏବଂ ସଂଘର୍ଷ ଯାହା ଗଲିୟାତ ପରି ଅନୁଭବ କରାଏ । କିନ୍ତୁ ଏଠାରେ ଖୁସି ଖବର ଅଛି: ଈଶ୍ଵର ଆମକୁ ଦୃଶ୍ୟମାନ ଠାରୁ ବହୁତ ଅଧିକ ଶକ୍ତି ରେ ସଜ୍ଜିତ କରନ୍ତି । ଦାଉଦ ଯେପରି ଗଲିୟାତକୁ ନିଜ ପରିବର୍ତ୍ତେ ପରମେଶ୍ୱରଙ୍କ ଶକ୍ତି ଉପରେ ସମ୍ପୂର୍ଣ୍ଣ ବିଶ୍ୱାସ ସହିତ ମୁକାବିଲା କରିଥିଲେ, ଆମେ ମଧ୍ୟ ନିଜକୁ ନୁହେଁ, ଈଶ୍ୱରଙ୍କ ମଧ୍ୟରେ ଥିବା ସାହସର ସହ ଆମର ଦାନବମାନଙ୍କୁ ମୁକାବିଲା କରିପାରିବା।

କେଉଁ ବିଷୟ ଦାଉଦଙ୍କୁ ଏତେ ସାହସିକ କଲା? ସେ ଗଲିୟାତର ଆକାର କିମ୍ବା ଅସ୍ତ୍ରଶସ୍ତ୍ର ଉପରେ ଧ୍ୟାନ ଦେଇ ନଥିଲେ ବରଂ ତାଙ୍କ ସହିତ ଈଶ୍ୱରଙ୍କ ଉପସ୍ଥିତି ଉପରେ ଧ୍ୟାନ ଦେଇଥିଲେ । ଦାଉଦଙ୍କ ଆତ୍ମବିଶ୍ୱାସ ଶାରୀରିକ ଶକ୍ତି କିମ୍ବା କୌଶଳରୁ ଆସିନଥିଲା ବରଂ ପରମେଶ୍ୱର ତାଙ୍କ ପକ୍ଷରେ ଅଛନ୍ତି ବୋଲି ଜାଣିବାରୁ ଆସିଥିଲା। ଗୀତସଂହିତା ୧୮:୨୯ ଏହି ସତ୍ୟକୁ ପ୍ରକାଶ କରେ: " କାରଣ ତୁମ୍ଭ ଦ୍ଵାରା ମୁଁ ସୈନ୍ୟଦଳ ଉପରେ ଦୌଡ଼େ ଓ ମୋʼ ପରମେଶ୍ଵରଙ୍କ ଦ୍ଵାରା ମୁଁ ପ୍ରାଚୀର ଡିଏଁ। ଯେତେବେଳେ ଆମେ ଈଶ୍ଵର କିଏ ତାହା ଉପରେ ଧ୍ୟାନ ଦେଇଥାଉ, ଆମର ଦୁର୍ବଳତା ନୁହେଁ, ସେତେବେଳେ ଆମେ ଏକ ବିଷୟ ଉପରେ ସାହସ ହାସଲ କରିଥାଉ ଯାହାକୁ ଜଗତ ବୁଝିପାରିବ ନାହିଁ ।

ଏହା ବିଷୟରେ ଚିନ୍ତା କରନ୍ତୁ: ଯଦି ଆପଣ ଆପଣଙ୍କ ଜୀବନରେ ପରମେଶ୍ୱରଙ୍କ ଉପସ୍ଥିତି ଏବଂ ଶକ୍ତି ବିଷୟରେ ସମ୍ପୂର୍ଣ୍ଣ ଭାବରେ ଅବଗତ ଥାଆନ୍ତି ତେବେ ଆପଣଙ୍କ ଆହ୍ୱାନ ଗୁଡିକ କିପରି ଦେଖାଯିବ? ଆମର ଅସୁରକ୍ଷିତତା ଏବଂ ଭୟ ସେତେବେଳେ ଦୂର ହେବାକୁ ଲାଗିଥାଏ ଯେତେବେଳେ ଆମେ ଅନୁଭବ କରୁ ଯେ ସମସ୍ତ ବିଷୟର ସୃଷ୍ଟିକର୍ତ୍ତା ପରମେଶ୍ୱର ଆମ ପାଇଁ ଯୁଦ୍ଧ କରନ୍ତି । ପଛଘୁଞ୍ଚା ଦେବା ପରିବର୍ତ୍ତେ, ଆମେ ଅହଂକାର ରେ ନୁହେଁ, ବରଂ ବିନମ୍ର ଆଶ୍ୱାସନା ସହିତ ଦୃଢ଼ ଭାବରେ ଠିଆ ହୋଇପାରିବା, ଜାଣିଯେ ଈଶ୍ଵର ଆମ ସମ୍ମୁଖୀନ ହେଉଥିବା କୌଣସି ବିଷୟଠାରୁ ମହାନ ଅଟନ୍ତି ।

ତେଣୁ ଆଜି ଆପଣଙ୍କ ହୃଦୟ ଯୀଶୁଙ୍କ ସହିତ ବ୍ୟସ୍ତ ରହୁ। ଭୟ ନୁହେଁ,ଦାଉଦଙ୍କ ପରି ପରମେଶ୍ୱରଙ୍କ ଶକ୍ତି, ଆପଣଙ୍କୁ ନେତୃତ୍ୱ ଦେଉ। ଆପଣ ପ୍ରତ୍ୟେକ ଦାନବ ସମ୍ମୁଖରେ ବିଶ୍ୱାସ ସହିତ ଘୋଷଣା କରନ୍ତୁ , "ସଦାପ୍ରଭୁଙ୍କ ନାମରେ ମୁଁ ତୁମ୍ଭ ନିକଟକୁ ଆସିଛି । ତାଙ୍କ ସହିତ, କୌଣସି ପ୍ରତିବନ୍ଧକ ବହୁତ ବଡ଼ ନୁହେଁ, ଏବଂ କୌଣସି ଦାନବ ଅଧିକ ଶକ୍ତିଶାଳୀ ନୁହେଁ।