ନିରନ୍ତର ପ୍ରାର୍ଥନାର ଶକ୍ତି

ଆପଣ କେବେ ଭାବିଛନ୍ତି କି ଈଶ୍ଵର ଆପଣଙ୍କ ପ୍ରାର୍ଥନା ଶୁଣୁଛନ୍ତି ନା ନାହିଁ ? ତୁରନ୍ତ ଉତ୍ତର ନ ପାଇଲେ ଆପଣ ବେଳେବେଳେ ନିରାଶ ଅନୁଭବ କରନ୍ତି କି? ଆଜି, ଆସନ୍ତୁ ପରମେଶ୍ୱରଙ୍କ ବାକ୍ୟର ସତ୍ୟତା ଉପରେ ଦୃଷ୍ଟିପାତ କରିବା ଏବଂ ସେ ଆମର ପ୍ରତ୍ୟେକ ପ୍ରାର୍ଥନାର ଉତ୍ତର ଦିଅନ୍ତି ବୋଲି ଭରସାର ଆବିଷ୍କାର କରିବା ।

ମାଥିଉ ୭:୭ରେ ଯୀଶୁ ନିଜେ କହିଲେ, "ମାଗ, ସେଥିରେ ତୁମ୍ଭମାନଙ୍କୁ ଦିଆଯିବ; ଖୋଜ, ସେଥିରେ ତୁମ୍ଭେମାନେ ସନ୍ଧାନ ପାଇବ; ଦ୍ଵାରରେ ମାର, ସେଥିରେ ତୁମ୍ଭମାନଙ୍କ ନିମନ୍ତେ ଫିଟାଇ ଦିଆଯିବ । ଏହି ଶକ୍ତିଶାଳୀ ବାକ୍ୟ ଆମକୁ ସ୍ମରଣ କରାଇ ଦିଏ ଯେ, ଯେତେବେଳେ ଆମେ ପ୍ରାର୍ଥନାରେ ଈଶ୍ୱରଙ୍କ ପାଖକୁ ଆସିଥାଉ, ଆମେ ଉତ୍ତର ପାଇବାକୁ ଆଶା କରିପାରିବା ।କିନ୍ତୁ ଏଠାରେ ଦେଖିବାକୁ ମିଳିଛି: ଏହାର ଉତ୍ତର ଭୌତିକ କ୍ଷେତ୍ରରେ ପ୍ରକାଶ ପାଇବା ପୂର୍ବରୁ ଆଧ୍ୟାତ୍ମିକ କ୍ଷେତ୍ରରେ ଆସିପାରେ ।

ମହାନ ବିଶ୍ୱାସର ବ୍ୟକ୍ତି ଦାନିୟେଲ ପ୍ରାର୍ଥନାର ବାସ୍ତବତାକୁ ପ୍ରତ୍ୟକ୍ଷ ଭାବରେ ଅନୁଭବ କରିଥିଲେ । ଦାନିୟେଲ ୯ ଅଧ୍ୟାୟରେ ସେ ପ୍ରାର୍ଥନା କଲେ ଏବଂ ଗାବ୍ରିଏଲ ଦୂତଙ୍କ ଠାରୁ ତୁରନ୍ତ ପ୍ରତ୍ୟୁତ୍ତର ପାଇଲେ। କିନ୍ତୁ ଦାନିୟେଲ ୧୦ ଅଧ୍ୟାୟରେ ସେ ପୁନର୍ବାର ପ୍ରାର୍ଥନା କଲେ ଏବଂ ଦୂତ ଉତ୍ତର ସହ ପହଞ୍ଚିବା ନିମନ୍ତେ ତିନି ସପ୍ତାହ ସମୟ ଲାଗିଲା। ଈଶ୍ଵର ସପକ୍ଷ ହୋଇ ଅଭିନୟ କରୁଥିଲେ କି? ନୁହେଁ ! ଦାନିୟେଲ ୧୦:୧୨ ପ୍ରକାଶ କରେ ଯେ, ପରମେଶ୍ୱର ଦାନିୟେଲଙ୍କ ବାକ୍ୟ ଶୁଣିଥିଲେ ଯାହା ପାଇଁ ସେ ପ୍ରାର୍ଥନା କରିଥିଲେ। ଶୟତାନ ହିଁ ଉତ୍ତର ପ୍ରକାଶରେ ବାଧା ସୃଷ୍ଟି କରିଥିଲା ।

ତେଣୁ, ଯଦି ଆପଣ ଆପଣଙ୍କ ପ୍ରାର୍ଥନାର ଉତ୍ତର ପାଇବାକୁ ଅପେକ୍ଷା କରୁଛନ୍ତି, ତେବେ ହୃଦୟ ହରାନ୍ତୁ ନାହିଁ। ଜାଣନ୍ତୁ , ଯେ ପରମେଶ୍ୱର ବିଶ୍ୱସ୍ତ ଅଟନ୍ତି ଏବଂ ସେ ଆପଣଙ୍କୁ ଶୁଣନ୍ତି। ବିଳମ୍ବ ପରମେଶ୍ୱରଙ୍କ ଉଦାସୀନତାର ସଙ୍କେତ ନୁହେଁ; ଏହା ବିଶ୍ୱାସରେ ଅଟଳ ରହିବାର ଏକ ସୁଯୋଗ । ପରମେଶ୍ୱରଙ୍କ ଉତ୍ତର ପଥ ମଧ୍ୟରେ ଅଛି ବୋଲି ଜାଣି ଦୃଢ଼ ହୋଇ ଠିଆ ହୁଅନ୍ତୁ ଏବଂ ପ୍ରାର୍ଥନା ଜାରି ରଖନ୍ତୁ।

ମାଥିଉ ୭:୮ରୁ ଉତ୍ସାହ ପ୍ରାପ୍ତ ହୁଅନ୍ତୁ , ଯାହା ଆମକୁ ଭରସା ଦିଏ ଯେ ଯେକେହି ମାଗେ, ସେ ପାଏ; ଯେ ଖୋଜେ, ସେ ସନ୍ଧାନ ପାଏ; ଆଉ, ଯେ ଦ୍ଵାରରେ ମାରେ, ତାହା ନିମନ୍ତେ ଫିଟାଇ ଦିଆଯାଏ । ପରମେଶ୍ୱର ଆପଣଙ୍କ ଠାରୁ ତାଙ୍କର ଉତ୍ତମ କାର୍ଯ୍ୟକୁ ଅଟକାଇ ନାହାନ୍ତି। ଶତ୍ରୁ ହିଁ ପ୍ରତିବନ୍ଧକ ଓ ବିଳମ୍ବ କରିବାକୁ ଚେଷ୍ଟା କରିଥାଏ। ପରମେଶ୍ୱରଙ୍କ ବିଶ୍ୱସ୍ତତା ଉପରେ ବିଶ୍ୱାସ ରଖନ୍ତୁ ଏବଂ ନିରନ୍ତର ପ୍ରାର୍ଥନା ମାଧ୍ୟମରେ ସ୍ୱର୍ଗର ଦ୍ୱାରକୁ ଆଘାତ କରିବା ଜାରି ରଖନ୍ତୁ ।

ଆଜି ମୁଁ ଆପଣଙ୍କୁ ଆପଣା ବିଶ୍ୱାସରେ ଦୃଢ଼ତାର ସହ ଛିଡା ହେବାକୁ ଉତ୍ସାହିତ କରୁଛି । ବିଶ୍ୱାସ ରଖନ୍ତୁ, ପ୍ରାର୍ଥନା ଜାରି ରଖନ୍ତୁ ଏବଂ ପରମେଶ୍ୱରଙ୍କଠାରୁ ଉତ୍ତର ଆଶା ରଖନ୍ତୁ। ସେ ବିଶ୍ୱସ୍ତ ଅଟନ୍ତି ଏବଂ ତାଙ୍କର ପ୍ରତିଜ୍ଞା ସତ୍ୟ ଅଟେ। ନିରାଶା କିମ୍ବା ସନ୍ଦେହକୁ ଆପଣଙ୍କ ଆନନ୍ଦ ହରଣ କରିବାକୁ ଦିଅନ୍ତୁ ନାହିଁ। ଏହା ପରିବର୍ତ୍ତେ,ଈଶ୍ଵରଆଢୁଆଳରେ ରହି ଆପଣଙ୍କ ପ୍ରାର୍ଥନାର ଉତ୍ତର ପ୍ରଦାନ ପାଇଁ କାର୍ଯ୍ୟ କରୁଛନ୍ତି ଜାଣି ଆତ୍ମବିଶ୍ୱାସର ସହ ଅଗ୍ରସର ହୁଅନ୍ତୁ ।