ଆତ୍ମବିଶ୍ୱାସର ସହ ମାଗିବା

ଆପଣ କେବେ ଭାବିଛନ୍ତି କି ଈଶ୍ଵର ଆପଣଙ୍କୁ କିପରି ଆଶୀର୍ବାଦ ଦେବାକୁ ଚାହାଁନ୍ତି? ଆପଣ କ'ଣ ସତରେ ବିଶ୍ୱାସ କରନ୍ତି ଯେ ସେ ଆପଣଙ୍କ ଇଚ୍ଛା ପୂରଣ କରିବାକୁ ପ୍ରସ୍ତୁତ ଏବଂ ଇଚ୍ଛୁକ? ଯୀଶୁଙ୍କ ନିକଟରେ ଚିତ୍କାର କରି ଏକ ଜୀବନ ପରିବର୍ତ୍ତନକାରୀ ଆଶ୍ଚର୍ଯ୍ୟକର୍ମ ଗ୍ରହଣ କରିଥିବା ଅନ୍ଧ ବାର୍ଟିମୟଙ୍କ ପରି, ଯୀଶୁ ଆଜି ଆପଣଙ୍କୁ ପଚାରୁଛନ୍ତି, " ମୁଁ ତୁମ୍ଭ ପାଇଁ କଅଣ କରିବି ବୋଲି ତୁମ୍ଭେ ଇଚ୍ଛା କରୁଅଛ ?" (ମାର୍କ ୧୦:୫୧)।

ଯୋହନ ୧୫:୭ରେ, ଯୀଶୁ ପ୍ରତିଜ୍ଞା କରିଛନ୍ତି ଯେ ଯଦି ଆପଣ ତାହାଙ୍କଠାରେ ରୁହନ୍ତି , ଆଉ ତାହାଙ୍କ ବାକ୍ୟ ଆପଣଙ୍କଠାରେ ରୁହେ, ତାହାହେଲେ ଯେ କୌଣସି ବିଷୟ ଇଚ୍ଛା କରନ୍ତି , ତାହା ମାଗନ୍ତୁ , ଆଉ ଆପଣଙ୍କ ନିମନ୍ତେ ତାହା ସାଧିତ ହେବ। ଏହା ଅବିଶ୍ୱସନୀୟ ନୁହେଁ କି? ଯୀଶୁ ଆପଣଙ୍କ ହୃଦୟସ୍ପର୍ଶୀ ଅନୁରୋଧକୁ ଗ୍ରହଣ କରିବାକୁ ଚାହୁଁଛନ୍ତି ପୁଣି ସେ ଆପଣଙ୍କୁ ତାଙ୍କର ପ୍ରଚୁର ଆଶୀର୍ବାଦ ପାଇବା ପାଇଁ ପ୍ରାର୍ଥନାର ଶକ୍ତି ଦେଇଛନ୍ତି।

କିନ୍ତୁ ହୁଏତ ଧର୍ମ, ଦୋଷ କିମ୍ବା ଭୟ ଆପଣଙ୍କ ଆଶାକୁ ଛଡ଼ାଇ ନେଇଛି। ଈଶ୍ଵର ପ୍ରକୃତରେ ଆପଣଙ୍କ ପ୍ରାର୍ଥନା ଶୁଣୁଛନ୍ତି ନା ନାହିଁ କିମ୍ବା ସେ ତାହାର ଉତ୍ତର ଦେବାକୁ ଇଚ୍ଛୁକ ନା ନାହିଁ,ଏ ବିଷୟରେ ହୁଏତ ଆପଣ ସନ୍ଦେହ କରିଛନ୍ତି । ମୁଁ ଆପଣଙ୍କୁ ନିଶ୍ଚିତ କରିବାକୁ ଚାହୁଁଛି ଯେ ଆପଣଙ୍କ ପ୍ରତି ପରମେଶ୍ୱରଙ୍କର ପ୍ରେମ ଅସୀମ, ଏବଂ ସେ ଆପଣଙ୍କ ଆବଶ୍ୟକ ଠାରୁ ଅଧିକ ଦେବାକୁ ଚାହୁଁଛନ୍ତି । ଏଫିସୀୟ ୩:୨୦ ଆମକୁ ସ୍ମରଣ କରାଇ ଦିଏ ଯେ ପରମେଶ୍ୱର ଆମ ଭିତରେ କାର୍ଯ୍ୟ କରୁଥିବା ଶକ୍ତି ଅନୁଯାୟୀ, ଆମେ ମାଗିବା ଓ ଭାବିବା ଠାରୁ ଅଧିକ ପରିମାଣରେ ଦେଇ ଥାଆନ୍ତି ।

ତେଣୁ, ମୋର ବନ୍ଧୁ, ପରମେଶ୍ଵର ଆପଣଙ୍କ ପାଇଁ କ'ଣ କରନ୍ତୁ ବୋଲି ଚାହୁଁଛନ୍ତି ? ବଡ଼ ସ୍ୱପ୍ନ ଦେଖିବାକୁ ସାହସ କରନ୍ତୁ ଏବଂ ବିଶ୍ୱାସ କରନ୍ତୁ ଯେ ମୁଁ ଏହାକୁ ସମ୍ଭବ କରିବାରେ ଅଧିକ ସକ୍ଷମ । ବିଶ୍ୱାସ କରନ୍ତୁ ଯେ ସେ ଜଣେ ସ୍ନେହୀ ପିତା ଯିଏ ଆପଣଙ୍କୁ ଆଶୀର୍ବାଦ ଦେବାକୁ ଏବଂ ଆପଣଙ୍କ ଜୀବନରେ ତାଙ୍କର ଉତ୍ତମତା ଢାଳିବାକୁ ଇଚ୍ଛା କରନ୍ତି ।

ଆଜି ଆପଣଙ୍କ ବିଶ୍ୱାସ ଜାଗ୍ରତ ହେଉ ଏବଂ ଆଶା ଆପଣଙ୍କ ହୃଦୟକୁ ଭରି ଦେଉ । ପରମେଶ୍ୱର ଶୁଣୁଛନ୍ତି, ଏବଂ ସେ ଆପଣଙ୍କ ପ୍ରାର୍ଥନାର ଉତ୍ତର ଦେବାକୁ ପ୍ରସ୍ତୁତ ଅଛନ୍ତି। ତାଙ୍କର ପ୍ରତିଜ୍ଞା ଉପରେ ବିଶ୍ୱାସ କରନ୍ତୁ , ତାଙ୍କର ବାକ୍ୟକୁ ଧରି ରଖନ୍ତୁ ଏବଂ ସେ ଆପଣଙ୍କ ସବୁଠାରୁ ବଡ଼ ସ୍ୱପ୍ନକୁ ଅତିକ୍ରମ କରୁଥିବା ଦେଖନ୍ତୁ । ଈଶ୍ଵରଙ୍କ ପାଖରେ କିଛି ବି ଅସମ୍ଭବ ନୁହେଁ!